蘇媽.蘇媽馬來西亞美食店 (已結業)

最近公司好忙，做到完全冇停手。差唔多12点，都知自己出唔到去食 Lunch，又唔想食饭，突然好想食个汤咖哩，于是用咗个 Apps 叫外卖，拣咗「苏妈.苏妈」。汤咖哩渗渗  $57面底选择种类都多，有油面、米粉、渗渗、米线同老鼠粉。而我拣左渗渗 (即系油面+米粉)，配料有豆角、豆卜、芽菜、咖哩鸡肉、薯仔同鱼片。汤底质感好浓，略嫌辣度唔够，椰味比较重。渗渗混合油面、米粉，口感唔错。但汤底只有半碗，而面底索汤程度好快，未食晒已经冇晒啲汤。建议店方外卖汤底方面，份量可以俾多少少。罗汉果菊花茶 +$19饮品方面，系采用密封式包装唔怕外卖时倒泻 。味道唔错，有罗汉果甘甜，好饮。