TOSS 蘇媽.蘇媽

营业中

休息中

苏妈苏妈呢间餐厅之前一直都很想试下，但系成日返工，公司都收得好晏一直嚟唔到，但今次见到沙田开咗分店，咁近又就到时间当然嚟试吓啦。一入到餐厅装修得好靓好细致，而且灯光好足够，座位好阔落坐得好舒服。槟城福建虾面，配料好多好丰富有虾、蛋、五花肉、豆卜等等，要面底转咗渗渗粗面加米粉，食落粗幼唔同多重口感，汤底略嫌淡味。椰香咖喱喇沙，汤底好浓郁好够椰香味，面底一样系渗渗粗面加米粉，配料反而比较少如果多啲会丰富啲。椰香咖央多士，里面有咖央酱、牛油、椰丝好邪恶，食落好浓郁，多士好脆身好好食，值得一试。虎咬狮，系白咖啡沟美绿几特别，饮落有啲似阿华田，几好饮。怡保白咖啡，饮落好香，容易入口唔会太苦。