影片
更多
2020-06-21
193 浏览
钟意东南亚菜式嘅朋友一定有试过依间系深水埗同荃湾都有分店嘅苏妈苏妈啦! 苏妈其实系马来西亚🇲🇾话嘅「全部都有」嘅意思，我哋就一齐睇吓究竟佢有几咁巴闭啦!.棒棒骨 HKD76 依度点菜系系点菜单上画画圈圈⭕，然后交俾店员就可以啦！肉骨茶任添，只要你叫菜单上任何一个肉骨茶，店员都会即刻先斟俾你，咁等上菜嘅时候都有嘢饮下。好多人以为肉骨茶系新加坡嘅菜式，其实肉骨茶系源于马来西亚㗎！每间餐厅嘅肉骨茶味道都唔同，苏妈苏妈嘅肉骨茶无马来西亚巴生嘅咁重药材味，亦都无新加坡松发嘅咁重胡椒味，算系比较易入口，相信香港人容易适应依个口味。至于另外上嘅棒棒骨，大家可以跟住佢哋嘅指引，将黑酱油，蒜蓉、辣椒同头抽捞埋一齐，跟住蘸嚟食，啖啖肉。另外仲有金菇、豆腐卜做配料，如果点埋油炸鬼仲正！.招牌砂煲老鼠粉 HKD78另外令👨🏽👩🏻去完马来西亚一直念念不忘嘅就系砂煲老鼠粉，其实即系我哋讲嘅银针粉，因为当地人觉得佢似老鼠尾巴而命名。老鼠粉配上鸡蛋、银鱼仔、肉碎、菜甫，如果想香啲可以等一等先捞埋一齐，底部就会有少少锅巴。比起马来西亚嘅味道差啲，无咁香，但系依家无得去旅行，拎嚟顶顶瘾都可以嘅。.玻璃鱿鱼配通菜🦑🥬 HK
.
棒棒骨 HKD76
依度点菜系系点菜单上画画圈圈⭕，然后交俾店员就可以啦！肉骨茶任添，只要你叫菜单上任何一个肉骨茶，店员都会即刻先斟俾你，咁等上菜嘅时候都有嘢饮下。好多人以为肉骨茶系新加坡嘅菜式，其实肉骨茶系源于马来西亚㗎！每间餐厅嘅肉骨茶味道都唔同，苏妈苏妈嘅肉骨茶无马来西亚巴生嘅咁重药材味，亦都无新加坡松发嘅咁重胡椒味，算系比较易入口，相信香港人容易适应依个口味。至于另外上嘅棒棒骨，大家可以跟住佢哋嘅指引，将黑酱油，蒜蓉、辣椒同头抽捞埋一齐，跟住蘸嚟食，啖啖肉。另外仲有金菇、豆腐卜做配料，如果点埋油炸鬼仲正！
.
招牌砂煲老鼠粉 HKD78
另外令👨🏽👩🏻去完马来西亚一直念念不忘嘅就系砂煲老鼠粉，其实即系我哋讲嘅银针粉，因为当地人觉得佢似老鼠尾巴而命名。老鼠粉配上鸡蛋、银鱼仔、肉碎、菜甫，如果想香啲可以等一等先捞埋一齐，底部就会有少少锅巴。比起马来西亚嘅味道差啲，无咁香，但系依家无得去旅行，拎嚟顶顶瘾都可以嘅。
.
玻璃鱿鱼配通菜🦑🥬 HKD48
本来只系想叫个菜Balance下，估唔到有惊喜。玻璃鱿鱼好爽唔会好难咬，上面仲有少少辣辣哋嘅酱，好有风味。
.
马拉沙嗲串烧(猪/鸡/牛） HKD45/3串
当然仲有唔少得嘅马来西亚沙嗲串烧，苏妈苏妈嘅沙嗲酱有粗粒花生，除咗够晒香口仲好有咬口，味道唔差过系当地食过的，次次嚟我哋都有叫㗎！
.
椰香咖央多士🥪 HKD26
最后一定要叫个咖央多士嚟食，姐姐会提你要趁热食呀！热辣辣、脆卜卜，中间有满满嘅椰香咖央酱，又系必食之选！
.
其实深水埗同荃湾分店我哋都食过，除咗以上菜式，有好多我哋都好推荐。另外仲推荐辣死你妈、槟城白咖哩面🍜、马来西亚拉茶☕️同椰汁斑兰冰，大家不妨去试吓马来西亚菜吧！
.
张贴
