影片
更多
2018-10-23
52 浏览
今日晚餐同朋友去东港城新开嘅东南亚餐厅食饭，估唔到啲菜式都几人惊喜！😆.全晚最令人回味嘅菜式要数算呢个「无骨海南鸡喇沙」，皆因汤头十分出色，浓厚嘅耶香加上微微辣劲，非常惹味！软硬适中嘅油面挂汤力强，每啖都可以品尝到喇沙嘅美味。.此外仲有两个惹味之选值得一试：「马来一品牛柳粒」以铁板呈上，大量牛柳粒同蒜片喺铁板上滋滋作响，香气四溢，令人食指大动！牛柳粒肥瘦相宜，唔韧但保持咬口。「马拉盏炒通菜」够抵食，份量多多之余味道亦出色，爽口又有咸香，正！.多人之选一定系呢个「Mee...小食拼盘」，有齐各款小食可以share！款款出色，而其中虾饼系我嘅最爱，本来出菜𠮶阵放漏咗虾饼，所以要令上🤣 不过塞翁失马，我地可以食到热辣辣脆卜卜嘅新鲜虾饼！虾肉亦十分弹牙。泰式凤爪系另一款最爱，酸酸甜甜好开胃！.食咁多惹味热气嘢，系时候拣返啲清新嘅dish，「软壳蟹米纸卷」外貌吸睛之余蔬菜量好丰富！有沙津菜同彩椒点缀嘅脆口软壳蟹，大大增加咗健康清新嘅感觉！.钟情汤面同牛肉嘅朋友仔可以试下呢度嘅「袐制特色牛骨汤河」，汤头牛味浓郁，配上滑溜嘅河粉齿颊留香，而上丰富配菜：牛丸、牛肉、牛腩、牛柏叶，可以俾好牛嘅朋友大饱口
.
全晚最令人回味嘅菜式要数算呢个「无骨海南鸡喇沙」，皆因汤头十分出色，浓厚嘅耶香加上微微辣劲，非常惹味！软硬适中嘅油面挂汤力强，每啖都可以品尝到喇沙嘅美味。
.
此外仲有两个惹味之选值得一试：「马来一品牛柳粒」以铁板呈上，大量牛柳粒同蒜片喺铁板上滋滋作响，香气四溢，令人食指大动！牛柳粒肥瘦相宜，唔韧但保持咬口。「马拉盏炒通菜」够抵食，份量多多之余味道亦出色，爽口又有咸香，正！
.
多人之选一定系呢个「Mee...小食拼盘」，有齐各款小食可以share！款款出色，而其中虾饼系我嘅最爱，本来出菜𠮶阵放漏咗虾饼，所以要令上🤣 不过塞翁失马，我地可以食到热辣辣脆卜卜嘅新鲜虾饼！虾肉亦十分弹牙。泰式凤爪系另一款最爱，酸酸甜甜好开胃！
.
食咁多惹味热气嘢，系时候拣返啲清新嘅dish，「软壳蟹米纸卷」外貌吸睛之余蔬菜量好丰富！有沙津菜同彩椒点缀嘅脆口软壳蟹，大大增加咗健康清新嘅感觉！
.
钟情汤面同牛肉嘅朋友仔可以试下呢度嘅「袐制特色牛骨汤河」，汤头牛味浓郁，配上滑溜嘅河粉齿颊留香，而上丰富配菜：牛丸、牛肉、牛腩、牛柏叶，可以俾好牛嘅朋友大饱口福！
.
最后以「香芒椰汁糯米饭」呢个甜品作结。糯米饭嘅外形好可爱，好似寿司！芒果香甜多汁，椰浆味较淡，都唔错！
.
另外呢度嘅餐具好有特色，尤爱呢个可爱嘅公鸡碗❤️
张贴
