影片
更多
2023-04-01
27 浏览
同朋友行咗一整日街，系时候要食晚餐，我哋都想食啲惹味嘅嘢，喺附近揾到呢间麦金·麦金，系食马来西亚菜，啱晒胃口，就决定入去试吓！------------------------------椰香南洋烧面包 $38我哋加咗$4要埋鲜牛油，非常邪恶！面包烘得好香脆，中间嘅咖央酱唔会过甜，味道刚好，配埋软滑嘅牛油，香甜而且口感非常好。店员仲好细心提我哋要趁热食咗呢样先！❤️一字骨肉骨茶 $62我哋唔系太饿，拣咗个一字骨肉骨茶，但份量都好足够。一字骨煲得软腍，唔会好似煲汤柴肉咁。仲有豆腐卜同冬菇仔，吸晒啲茶汤好好味！重点当然系茶汤，有好香嘅药材味，仲有啲微微既甘甜，而且系免费任添饮！我哋都饮到停唔到口！呢度比同类餐厅优胜嘅系有蜡烛热住，咁就每一啖都热辣辣！而且唔洗自己叫，店员会自动添汤！青辣椒沙白蚬 $118呢度除咗常见嘅马拉野，仲俾我哋见到呢个辣蚬😍酱汁充满打碎咗嘅青辣椒同，带少少酸味同蒜味，仲几够辣！我地都钟意食辣，呢碟蚬食得好过瘾！成碟蚬都饱满冇沙，唔会得个壳！马拉沙嗲串烧 $45要咗鸡、牛、猪各一串，串烧烧得好香口，我哋特别钟意猪肉，食落似系猪颈肉，切成粒状好方便食，而且油脂丰富，特别焦香！
------------------------------
椰香南洋烧面包 $38
我哋加咗$4要埋鲜牛油，非常邪恶！面包烘得好香脆，中间嘅咖央酱唔会过甜，味道刚好，配埋软滑嘅牛油，香甜而且口感非常好。店员仲好细心提我哋要趁热食咗呢样先！❤️
一字骨肉骨茶 $62
我哋唔系太饿，拣咗个一字骨肉骨茶，但份量都好足够。一字骨煲得软腍，唔会好似煲汤柴肉咁。仲有豆腐卜同冬菇仔，吸晒啲茶汤好好味！重点当然系茶汤，有好香嘅药材味，仲有啲微微既甘甜，而且系免费任添饮！我哋都饮到停唔到口！呢度比同类餐厅优胜嘅系有蜡烛热住，咁就每一啖都热辣辣！而且唔洗自己叫，店员会自动添汤！
青辣椒沙白蚬 $118
呢度除咗常见嘅马拉野，仲俾我哋见到呢个辣蚬😍酱汁充满打碎咗嘅青辣椒同，带少少酸味同蒜味，仲几够辣！我地都钟意食辣，呢碟蚬食得好过瘾！成碟蚬都饱满冇沙，唔会得个壳！
马拉沙嗲串烧 $45
要咗鸡、牛、猪各一串，串烧烧得好香口，我哋特别钟意猪肉，食落似系猪颈肉，切成粒状好方便食，而且油脂丰富，特别焦香！配有甜甜哋嘅沙嗲汁，个汁唔系好杰身𠮶种，点多啲都唔会觉得腻。
我知你啦薄饼 $42估唔到薄饼份量都几多！有成六块！我本身怕呢啲薄饼好油，但食落仲好香好松化添呀！配咗两种汁，一种系咖哩汁，系比较奶香𠮶种咖哩汁，完全唔辣，唔食得辣嘅人都唔怕食唔到。另一种深啡色嘅较有香料味，几特别，平时食呢啲薄饼通常都配咖哩汁，今次就试多左个口味。
美禄恐龙/香蕉鲜奶 $28/$34
去马来餐厅，我最钟意饮嘅就系美禄恐龙！冰冻嘅美禄再加大量美禄粉，每一啖都咁丰富浓郁！我地仲叫咗香蕉鲜奶，仲以为会好杰好滞，点知试饮咗，发现完全唔会，系一般鲜奶嘅质感，再加上新鲜香蕉嘅味道，比我想像中清新，有啲惊喜！😚
张贴
