南亞餐廳1964 (已結業)

放工同同事落tst揾食，想揾间坐得舒服d chill d既餐厅，于是行去亚士厘道揾下，见到呢间有几个外国人坐左系外面，入面又有梳化卡位，个感觉几舒服，就入左去食啦。 呢间南亚餐厅系食东南亚菜，坐低无耐，侍应姐姐已经好亲切地问我地想食咩，可以推介我地。 最后我地点左串烧拼盘、小食拼盘、Gado gado，牛尾煲、烧鸡同甜品。首先黎左餐汤，系海鲜周打汤，入面好多料，仲有饼干，味道好夹好creamy。之后黎左碟串烧拼盘，有牛肉鸡肉，烧得好惹味，肉质唔会靭，好满意。之后到小食拼盘，入面有虾饼、咖哩角、春卷同德国肠，再配咖哩汁，最钟意系虾饼，超弹牙同有鲜味，想再encore !然后到gado gado, 第一次试呢道菜！好得意好特别，有少少似喇沙沙律，最面有我最爱既印度虾片，仲有蛋同酸酸甜甜既罗白同椰菜！其实都饱饱地，但仲有个重点菜，就系最期待既烧春鸡！单系卖相已经好吸引，烧到好香，d皮烧到脆卜卜，但又保留到鸡汁，肉质鲜嫩，再配合马来香料风味，超级好味！最后黎埋雪糕芭菲，拣左士多啤梨同芒果味雪糕，上面有少少cream，普普通通，但最后有个甜品做完结好开心！