椰林閣餐廳 (已結業)

呢间系楼下嘅西餐厅，我妈好中意佢环境干净，舒服，今晚同佢撑枱脚，一于试下 。唔系咁肚饿，于是叫左个马来炒米粉同炭烧猪颈肉。米粉炒得好香，虽然讲唔出啲咩香料，但系好有马来嘅风味。配料好多，青椒，洋葱，肉丝唔少得，一啖食落去好多种层次，够色之余又够味，一个字:好Fit。跟住食呢个猪颈肉，平时中意食串烧嘅我都系抱住试下嘅心态，唔知西餐厅嘅串烧会点。咬落几有嚼头，撕出来食，食到啖啖嘅沙嗲味，好入味，绝对唔输蚀街边啲小食档，好有风味。佢仲有个几特别嘅酱汁点，有小小辣，又酸酸地，值得一试，但系个人就中意原汁原味，唔错！