影片
更多
2014-05-07
7329 浏览
有朋友睇过小弟食评介绍卖星马菜嘅马来一，心郁郁有兴趣一试，而小弟亦都好钟意马来西亚依个地方，尤其槟城及浮罗交怡。人少食唔到几多嘢，所以，就不如多约几个老友记，一齐过嚟马来一品尝其地道星马美食。今日周中闲日，我哋又嚟得早，所以人客唔多，不过坐落就越嚟越多人。虽然装修唔豪华，但喺胜在简约舒适，地方阔落，我哋拣咗中间靠墙圆枱，贪其骚扰少啲，而背后几张星马街头小摊档黑白相，甚有味道。由于小弟嚟个几趟，而朋友就首次到，自不然乘机将点菜重任交晌我手中，其实，未嚟之前已心里有数，有几款地道又富特色嘅菜式都好想俾佢哋试，所以，今次点菜无乜难度 。晌星马，最抵就喺饮嘢，尤其一啲大牌档、熟食市场，啲果汁抵饮到晕，一杯1L鲜菠萝汁，都喺马币6蚊左右（~HKD15），而一杯近1L嘅榴梿牛奶，只卖坡纸2.5（~HKD16） 。当然，晌香港就无可能咁平啦，不过，嚟食星马菜，点杯饮品多少都喺惯常。 凉粉冰 $23属新加坡特色饮品，梳打水加凉粉条，算唔上好特别，只喺带嚟凉快清爽嘅感觉。 香茅特饮 $23 之前饮过，觉得特别所以介绍朋友一试，以香茅煲水，香茅味非常突出，饮一啖香茅味已冲紧入喉咙，而青青哋嘅斑兰
今日周中闲日，我哋又嚟得早，所以人客唔多，不过坐落就越嚟越多人。虽然装修唔豪华，但喺胜在简约舒适，地方阔落，我哋拣咗中间靠墙圆枱，贪其骚扰少啲，而背后几张星马街头小摊档黑白相，甚有味道。
由于小弟嚟个几趟，而朋友就首次到，自不然乘机将点菜重任交晌我手中，其实，未嚟之前已心里有数，有几款地道又富特色嘅菜式都好想俾佢哋试，所以，今次点菜无乜难度 。
晌星马，最抵就喺饮嘢，尤其一啲大牌档、熟食市场，啲果汁抵饮到晕，一杯1L鲜菠萝汁，都喺马币6蚊左右（~HKD15），而一杯近1L嘅榴梿牛奶，只卖坡纸2.5（~HKD16） 。当然，晌香港就无可能咁平啦，不过，嚟食星马菜，点杯饮品多少都喺惯常。
凉粉冰 $23属新加坡特色饮品，梳打水加凉粉条，算唔上好特别，只喺带嚟凉快清爽嘅感觉。
香茅特饮 $23
之前饮过，觉得特别所以介绍朋友一试，以香茅煲水，香茅味非常突出，饮一啖香茅味已冲紧入喉咙，而青青哋嘅斑兰果冻条，更为个特饮多添几分趣味。
柑桔特饮 $23 晌大马旅行时，佢哋好兴饮桔仔酸梅汁，大大细细食肆都见。今次，小弟就拣柑桔特饮试试，为求忠于地道，都喺用马来西亚桔仔调制。入口柑桔味浓，味道酸咪咪，酸爽开胃，如果嫌太酸，附送嘅糖浆就大派用场。
食物方面，由于今次嘅朋友都算大食，所以，较平时多点一啲菜，免得大家唔够尽兴。6道菜，加4个甜品，相信绝对可以满足到佢哋！啰惹酱蔬果沙律 $53
要数最有风味及地道特色，依个大马沙律点可以唔嗌嚟俾老友试试。以菠萝、蕃石榴、青瓜、杨桃、莲雾、土鱿跟槟城虾酱及马六甲棕榈糖捞匀，再加埋油炸鬼，酸酸咸咸，咸香中又带清甜，再食都依然惊喜 。
咸鱼炒芽菜 $53 咸鱼炒芽菜听起嚟无乜特别，亮点在于啲怡保芽菜，之前试过一次，觉得相当有趣，所以，再点喺俾老友见识一下。芽菜粗大而短，爽口而饱满多汁，加虾干及咸鱼蓉香炒，咸香惹味中，添几分清爽。
马来巴东牛肉 $88 上次嚟食就配饭，今次改配印度薄饼。虽然啲巴东牛肉卖相唔讨好，不过，味道一流。以椰汁及多种香料焖煮嘅巴东牛肉，肉质柔滑，味道香浓，揾印度薄饼包住一件巴东牛肉，仲好食 ！
海南鸡饭 $108 卖相精致，同埋配搭对办，一小碟海南鲜鸡，加油饭，鸡清鸡汤及三色酱料（姜蓉、特制辣椒酱、黑酱油）。海南鸡皮爽肉滑，蘸点三色酱都只不过喺锦上添花嘅动作；鸡油饭亦油香而满，饭粒分明，反而用黑酱油加埋啲饭度，又有另一番滋味 ；
槟城福建虾面 $88 依个虾面，最有趣咝用上油面拼米粉，所以，朋友见咁样都觉得好奇。汤底浓郁鲜香，仲渗出阵阵香辣，配料仲有鲜虾、猪肉，味道不俗。
槟城炒贵刁 $85 嚟马来一好几次，都喺第一次食佢嘅槟城炒贵刁。贵刁炒得干身均匀，加入怡保芽菜及鲜虾，用料不赖，尤其虾只，新鲜爽口，不过，份量有点细！
稍后喺甜品时间，但去到依度，朋友都觉得马来一嘅星马菜都好好食，所以，就连甜品都投其信心一票。椰汁黑糯米 $28
黑糯米煮得烟烟韧韧，口感十足，新鲜椰浆，椰子味香浓，而个黑糯米又唔太甜，水准稳定。
香兰椰丝卷（3件） $28 抵食嘅香兰椰丝卷又喺另一真心推介，班兰班戟皮卷上棕榈糖炒过嘅新鲜椰丝，唔单翠绿嘅外观抢眼，无论口感、味道都富南洋色彩，口感软软糯糯，班戟皮散发微微班兰幽香，椰丝蜜香清甜。
槟城红豆冰 $45 刨冰加上玫瑰及沙士糖浆，再垫有红豆、凉粉、椰果、粟米粒、亚答子，最后淋上花奶而成，几得意嘅配搭，如果加多球雪糕，就要多俾$15喇。天热食，特别爽快透心凉，沙士味喺细个嘅A货可乐，有啲怀念；底下混杂嘅材料，口感纷陈，未必人人觉得好食，但试过你先有多份异国见识。
榴梿布甸 $38 哈哈，唔好意思，又喺佢「榴梿布甸」，因为朋友中有人钟意食榴梿，所以，私人推介俾佢。试过之后，老友话布甸质感滑溜，口感一流，榴梿味香浓突出，啖啖飘香，果然无介绍错。最紧要喺老友食得开心，我就放心！
唔觉唔觉，边食边倾几粒钟，实在美食容易让时光渡过。虽然西环对几位朋友确实有点远，不过，佢哋异口同声都话值得老远过嚟一试。小弟都喺，马来一，值得一试再试！
张贴
