馬德里餐廳

营业中

休息中

趁住放假陪朋友仔出深水埗买野，成条街咁多好野食梗系食埋野先闪啦，经过福荣街见到有间食港式铁板餐嘅「马德里」坐满晒人，二话不说即刻入去试下先😆铁板餐包括餐汤、餐包、沙律/田螺、各种扒类同甜品，价钱只系百零蚊，抵食夹大件👍🏻罗宋汤/忌廉汤我地拣咗红白汤各一，罗宋汤内有大量椰菜、红萝卜同西芹，茄味浓郁，忌廉汤内有大大嘅蘑菇，creamy奶香味浓，用松软嘅餐包点上忌廉汤特别好食😋日式芝麻酱田园沙律沙律菜新鲜爽脆，再加上蕃茄仔、粟米粒同提子干令口感更加丰富，配上日式芝麻酱特别清新又开胃法式蒜香薯蓉焗田螺一上枱时已经闻到香喷喷嘅蒜香同牛油香味，螺肉软稔入味，底下嘅薯蓉吸满牛油，软滑细绵，我同朋友仔一致赞好👍🏻怀旧铁板T骨牛扒配薯菜店员会先问我地想要几成熟，我地嗌咗5成熟，生熟程度啱啱好，牛扒够晒大件亦冇筋，肉质较为紧致有嚼劲，咬落依然充满肉汁而且一啲都唔韧，用作铁板餐最合适，与香浓嘅黑椒汁系最佳拍档✌🏻怀旧铁板珍宝杂扒配薯菜必点👍🏻我地另外加咗一份意粉，杂扒包括猪扒、鸡扒、珍宝肠同煎蛋，我先将太阳蛋放上意粉上面加上黑椒汁再捞埋个蛋黄一齐食，超正😋猪扒肉质松软，厚厚嘅鸡扒先煎过后再放上铁板，外皮香口