蘇媽.蘇媽馬來西亞茶餐室 (已結業)

一个人做完运动饿饿地决定提早食午餐，避过人潮，茶餐厅是我的首选，今日食得特别啲，试吓马拉茶记 @ 苏妈、苏妈之前食过旺角分店水准都OK，今日试吓铜锣湾分店入到去首先觉得面积都几宽敞，枱与枱之间都保持一定嘅距离，围板够高，感觉安全秒速上枱「甲必咖哩鸡锤饭」$68估唔到有两大只鸡锤，还拌上几件薯仔和白饭，份量十足！鸡锤有用咖喱煮过，所以鸡皮都索入咖喱汁，鸡肉依然嫩口，啖啖肉真心过引，好吃！咖喱第一口入口颇辛辣，食食下返而冇咁辣，煮致软稔的洋葱丝散发出丝丝甜味，咖喱汁带点椰奶香，十分惹味，捞饭一流。白饭面洒上蒜碎，增加小许口感。怡宝白咖啡 套餐价 $20 好似我哋饮开嘅茶走一样，以炼奶取代花奶和糖水，味道倾向偏甜，咖啡香浓，唔知点解感觉几麻甩，一定顶到眼瞓。