Tonno Bar & Club (已結業)

午餐与小迷兵吹完头轮水，饮完头轮啤，两个大男人都大感意犹未尽，放咗工就再相约喺公司附近饮多轮欢乐时光。因记得XO仔深受大肥爸爸影响，啤酒中最爱饮蓝妹，小迷兵就带咗细佬去「Tonno Bar & Club」，一尝蓝妹o既生啤！酒吧同时播著时尚o既音乐及体育节目，声浪都唔弱。店内环境暗黑，拍照不易，不过店员反应都算快，我地杯酒差唔多饮完已懂得上前问及是否要追加，眼利又细心。蓝妹生啤（$78）：小肥对啤酒冇乜研究，只系觉得蓝妹o既生啤质感系就系清爽啲，不过饮落就比樽装蓝妹淡味得多，酒精浓度亦较弱，唔讲真系唔觉自己饮紧蓝妹啰，讲真都有啲几失望。