影片
更多
2020-03-25
169 浏览
好多youtuber都推介过呢一间餐厅， 今次终于可以一试。 一入到餐厅， 餐厅嘅面积比想像中大， 光线充足， 睇落亦好宽敞， 摆放食物嘅地方空间都几阔落， 因为之前去过一啲自助餐空间比较迫， 拎嘢食时会好挤拥，要你让我我让你咁， 而呢一间就唔会， 可以放心慢慢拣嘢食同拎嘢食。一入到去店员就问我哋要咩火锅汤底， 其实净系汤底都有好多选择， 有成十几种， 本身私心想试下几款少啲食到的， 人参鸡汤， 波士顿龙虾汤同麻辣汤底都好想试， 点知屋企人竟然拣咗在普通嘅蕃茄汤底，ok fine， 弱弱的我只能屈服。 当火锅上枱后， 每枱都会有一份海鲜拼盘同一份刺身拼盘， 不得不说， 呢两份拼盘嘅食物质素都好高， 海鲜全部都好新鲜好大只， 大大粒嘅蛏子，蚬肉，同鲍鱼， 味道仲要非常鲜美。 刺身拼盘同样好高质， 牡丹虾好大只好鲜甜， 三文鱼，北寄贝，带子，好厚肉，好肥美。 但呢两样拼盘都系一次性提供， 如果想再食就要自费再额外加， 唔怪得咁好食啦哈哈。 另外仲有几样都系一次性嘅， 包括韩国饺子， 一份高级猪肉等等。 但其实除咗啲一次性嘅， 佢本身提供嘅任食配料， 味道质素都好唔错， 除咗食物区各式各样嘅
一入到去店员就问我哋要咩火锅汤底， 其实净系汤底都有好多选择， 有成十几种， 本身私心想试下几款少啲食到的， 人参鸡汤， 波士顿龙虾汤同麻辣汤底都好想试， 点知屋企人竟然拣咗在普通嘅蕃茄汤底，ok fine， 弱弱的我只能屈服。 当火锅上枱后， 每枱都会有一份海鲜拼盘同一份刺身拼盘， 不得不说， 呢两份拼盘嘅食物质素都好高， 海鲜全部都好新鲜好大只， 大大粒嘅蛏子，蚬肉，同鲍鱼， 味道仲要非常鲜美。 刺身拼盘同样好高质， 牡丹虾好大只好鲜甜， 三文鱼，北寄贝，带子，好厚肉，好肥美。 但呢两样拼盘都系一次性提供， 如果想再食就要自费再额外加， 唔怪得咁好食啦哈哈。 另外仲有几样都系一次性嘅， 包括韩国饺子， 一份高级猪肉等等。 但其实除咗啲一次性嘅， 佢本身提供嘅任食配料， 味道质素都好唔错， 除咗食物区各式各样嘅蔬菜，丸，肠仔， 响铃等等之外， 餐牌上亦有一啲系免费任叫嘅配料， 可以睇睇我下面个餐牌， 当中个芝士鱼皮饺我就叫咗一次又一次。
除咗火锅外， 由于佢同时都系放题加自助餐， 其实佢嘅食物佢有好多好多嘅食物， 冷盘、熟食、炸物、甜品，中式、西式全部一应俱全， 抱歉我挂住食唔记得咗影， 但食物嘅种类真系真系好多， 而且食物嘅质素都相当唔错。 冷盘方面，当然唔少得有寿司， 我𠮶日就有三文鱼寿司、加州卷 ，同埋另外其他款嘅卷物同寿司， 见过其他食评有火炙芝士炸虾卷， 好想食呜呜，但我果日无， 但三文鱼寿司同加州卷都系好食嘅。 冷盘仲有青口、虾果啲， 虽然我冇食到，但望落都相当大只， 钟意食嘅人可以一试。 沙律嘅菜选择都非常多， 酱料配搭都好丰富。 炸物就有小丸子、麦乐鸡、炸春卷等等， 试咗几件都过得去， 熟食嘅选择都好多， 除咗炒饭炒面等主食外， 仲有唔少小菜， 记得好似有豆腐炆火腩， 牛脷， 蒸鱼， 沙姜鸡 ， 仲有卤水拼盘等等， 总之款式选择真系好多。 除咗熟食外， 仲有一笼笼嘅中式点心都好吸引， 我就净系食咗烧卖， 但见到仲有粉果、鸡扎、鲜竹卷等等，好似都好吸引。 最后甜品方面， 唔少得当然有十几款嘢饮，同埋雪糕雪条可供选择， 另外仲有好多嘅西式小蛋糕小甜品， 有一部软雪糕机， 另外仲有冰糖燕窝， 但系非常抢手， 我发现嘅时候已经得番最后两樽，无留意佢有冇补货。
总结就系， 每人大约三百蚊嘅价钱， 可以食咗一餐质素水准之上嘅放题自助餐， 食物嘅选择非常非常多， 火锅放题中式西式任君选择， 重点系可以食好耐， 唔会好似平时食放题咁得两个钟赶住走。
PS 冇记错嘅话当月寿星出示身份证号是可以传单有优惠， 唔记得系九折定八折， 大家到时可以查询一下呢个优惠仲有冇， 如果打埋折， 就真系非常非常抵食啦， 六个钟马拉松式火锅放题自助餐， 谂起都觉得正。
张贴
