薰甘同味 (已結業)

已经食过薰甘同味好多次，由佢初初开张$35一碗食到依家$40一碗，讲紧都系一年内既事。虽然贵左咁多，但我都依然返转头，全因为佢既白咖哩汤底同猪软骨!汤面套餐先选汤底，再选一款配料，最后选面底。另包括一杯野饮。而我10次里面有9次都系白咖哩汤底+猪软骨拉都面~白咖哩汤底香浓，一D都唔辣，每次我都几乎会饮哂成个汤。虽然白咖哩都算系重口味汤底，但饮完一D都唔会口渴!不得不提系佢既猪软骨，猪软骨味道带甜，似日式做法，猪软骨焖煮得非常淋身，淋身程度就算无牙婆婆都可以轻松食到。可以见到里面既软骨都已经变成啫喱状，好明显系经过长时间焖煮而成，食得出店主既用心制作，唔似坊间一D猪软骨咁，D骨系硬到食唔落。面底可以自选自家制拉面/乌冬/米粉/米线/油面。我今次拣左乌冬，乌冬烟韧，无特别。以往我都系食自家制拉面，面身有少少弯曲，口感烟烟韧韧几有特色。配料有白萝卜，虽然已经过左白萝卜最靓既时候，但萝卜依然好清甜，好淋，无渣。如果你系第一次黎食，一定要拣马拉白咖哩汤+猪软骨+自家制拉面，三样野都好有特色，包你一试爱上!