釣魚翁 燒鵝．海鮮飯店 (已結業)

上次都介绍过醉翁亭嘅早餐好抵食，事隔两星期我哋又去食啦。今次我哋叫咗两份孖宝，再加多一个马拉糕，最后埋单都只系$95。真系好抵食，而家出边一个茶餐厅食个早晨常餐都要$40啦。今次专登再写食评系因为个马拉糕真系好好食，系传统怀旧嘅马拉糕。唔会太甜但系又有黄糖嘅香味，好松软而且唔会俾啲蒸气搞到林啤啤，热辣辣蒸出嚟我哋唔使3分钟就食晒。不过个鱼肚粥就非常麻麻，完全冇料。揾斗成碗粥都只系得三旧鱼肚仔，每一旧仲细个只手指尾，粟米都系得个几粒，都几失望。不过就味道唔错啰。仲有好抵赞嘅系侍应姨姨好勤力， keep住帮我地收走啲冇用嘅碟。传菜的姨姨态度都好好。不过佢哋啲水真系唔够热，冲出嚟啲茶都唔系好香。