馬來椰爺 (已結業)

呢间好hit嘅小店最近喺长沙湾开咗分店，主打多款以新鲜食材同天然香料制作嘅叻沙掺掺，汤底浓味但绝对无落味精，健康又好味，难怪大受欢迎啦！虽然地方唔算好近，但价钱够亲民化，而且店员十分友善，值得到访😎见呢款香料娘惹喇沙汤底系招牌必食厨师推荐，果然无介绍错，辣度有成三级，以多种天然香料、鲜炒手工叻沙同椰奶混合而成，更加入自家炒制手工酱，味道层次感丰富，香辣惹味～ 另一款系香草椰奶汤，散发著淡淡嘅香草香气，椰奶味突出，个人十分喜欢，建议先试汤底，再决定要捞匀定系当沾面咁配椰奶！两款配料都有蚬肉、深海鱼蛋、芽菜、豆卜同青瓜丝，掺掺好挂汁，但份量唔多，男仔未必够饱🤔主食要咗炸软壳蟹，原只上，大大只，炸至外脆，啖啖肉，值得一提嘅系厨师坚持去除蟹腮同蟹肠，令客人可好安心咁食，十分贴心～ 虎虾有两只，爽口弹牙而且竟然有膏，有惊喜😂 私心推介呢度嘅手工咖央多士，自家鲜制，要咗鲜香蕉流心班兰椰香口味，两者唔会盖过对方，好甜好好味😋 马来炸香蕉都唔错，小朋友之爱，一个人可以清晒～ 饮品有芒果椰香鲜奶，真材实料，一滴水都无落，香浓幼滑，性价比高😍