南山冰室 (已結業)

呢日约咗个客未够钟，响铜锣湾行下行下又落雨，虽然未肚饿，但为咗避雨，就自己入左黎呢度食个lunch先。呢度门面都几新潮，好有高级茶餐厅感觉， 睇到menu先知道原来系食马拉嘢，但食落先知原来系马拉crossover香港口味。招牌海鲜喇沙：其实系掺掺，面底系油面加米粉，海鲜好多好新鲜，又大只，但menu见到有帆立贝，我碗无🥺。我预期嘅喇沙系有半只蛋，又无呀🙈。不过佢除左有芽菜，仲加左通菜，好港式粉面嘅感觉，健康啲啰😂。值得一提，佢个汤底无乜椰浆味，唔钟意呢种味嘅就岩食喇。马来咖啡：咖啡味道好淡，真系好似响马来西亚当地饮到嘅咖啡口味，亦都似平时买到嘅马拉咖啡袋嘅口味。估唔到茶餐厅有乳鸽，下次过开黎又有时间的话要试下。