熱沙咖啡 (已搬遷) 新店位置

复活节假期丽都马湾，以为系个美食沙漠，点知原来喺马湾村隔离有一间隐世Cafe：热沙咖啡 Coffee On the Sand由于小弟就有幸去过土耳其，觉得𠮶度嘅嘢食都几啱我口味，所以都期待喺马湾会有地道嘅土耳其餐食，今日同女朋友就叫咗两个午市套餐：分别系土耳其特色鸡肉饭同埋卡巴。先讲餐厅布置啦，其实餐厅都几有土耳其风咖啡杯都系土耳其专用，店舖入边又有好多植物灯光亦都用咗少少出边嘅自然光，咁所以打得卡黎成件事都几ig-able. 食物方面，每个餐都有半碟份量十足嘅沙律，够晒健康，不过鸡肉方便就较为失望啦，由于餐牌写住土耳其特色鸡肉同埋卡巴，再加上我喺土耳其或者本港其他中东餐厅见到，卡巴系要一路转一路烤，再一路刨落嚟嘅，但系碟上嘅鸡肉似乎同普通炒鸡肉冇分别。但系叫咗两杯土耳其咖啡，做法总算正宗，饮得返当时土耳其嘅味道所以总括而言除咗鸡肉之外呢间餐厅都值得去嘅，同埋都坐得几舒服，有种慢活嘅感觉又适合影相打卡，所以都俾个好评佢啦！