芭堤雅小島泰式餐廳 (已結業)

班朋友有人生日，除左要食好啲，梗係環境都要好啲啦，今次揀左去馬灣，馬灣呢個地方因爲環境保護關係，交通都受到管制，所以要由荃灣港鐵站旁搭專線巴士NR331前往總站(大約15分鐘車程)。今次要開餐既地點係位置珀麗灣沙灘商場既「芭堤雅小島泰式餐廳」，餐廳裝潢同一般泰式餐廳一樣，座位之間都寬落鬆動。如果唔怕熱就可以坐戶外，仲可以嘆住青馬大橋既夜景景色添。不過建議要訂桌先去，咁就唔怕無位啦！今次多人就叫多少少野食啦，順便可以試下好唔好食嘛。「冬蔭功湯$148」、「泰式拼盤$148」、「泰式沙爹串 $88/雞牛豬各2串」、「原隻燒魷魚$98」、「碎肉生菜包$88」、「黃咖哩$98」、「烤薄餅$24」、「鐵板蠔仔炒蛋$108」、「泰式蝦醬肉碎炒飯$78」、「可樂$18」、「珍多冰$32」、「泰式椰汁涼粉冰$32」、「泰式龍眼冰$32」、「泰式椰青$38」。大致上，出餐時間都好快，值得讚！「冬蔭功湯」足夠我地七個人飲，但湯料比較多，蝦肉比較少，見全部都係蝦殼多。味道為酸辣，幾好飲。如果唔太食到辣，可要求少辣。「泰式拼盤」有4件雞翼、6件魚餅、6件蝦餅、6件春卷，雞翼比較乾身細隻，魚餅同蝦餅好彈牙有口感