清心齋 (已結業)

今日经过沙田见到呢间主打糕点嘅小店，有各式各样传统糕点，仲有我最爱ge马蹄糕，就买咗几件黎试下👀顺便买支豆浆解渴，因为天气实在太热啦😅呢度嘅豆浆真系好重豆香，入口好香浓。值得一赞ge系有少糖同无糖两款选择，因为我妈咪唔可以食得太甜ge野，所以就买咗一支无糖ge豆浆俾佢~ 就算无糖都唔会淡茂茂，豆味仲更加突出左tim!马蹄糕一直都系我最爱！以前细细个去酒楼嘅时候成日都要嗌一份黎食😄清心斋ge马蹄糕入口清香，马蹄好爽口，兼且无加任何香精，好健康咁。红枣糕同砵仔糕都唔错，两款嘅口感都好烟靭，尤其系红枣糕，红枣味道香浓，但系又唔会有好假个种甜味，食落系感觉舒服ge味道。而砵仔糕有好多粒红豆，食落几Q弹，口感唔错😆亦都唔会太甜！希望迟啲可以出埋白色嘅砵仔糕，呢个系我儿时回忆黎😄我觉得呢一间ge豆类制品都几有水准，嚟紧都会继续支持小店！