方太糕品舖 (已搬遷) 新店位置

慕名而来陪朋友下午排咗大约1个钟头，买咗3大盒糕点各自拎返屋企。　女店员好好人，笑住再三叮嘱我哋建议糕点即日食用，因为摆入雪柜会冇咁好食。虽然好忙，但店员都肯帮我哋将糕点分好入盒。见到前面有比较麻烦嘅客人挑三拣四，店员都肯笑容耐心应付，希望佢哋一家人可以继续努力。　最开心紧系仔仔，细路仔最钟意嘅系砵仔糕，睇嚟除咗怀旧都真系好受小朋友欢迎，店员讲嘅笑话都好受仔仔欢迎。最难得嘅系，呢度嘅椰汁白色砵仔糕真系独家味道，好抢手。　我最钟意嘅系马蹄糕，钟意买返屋企再煎热来食，太太话我多此一举，但我真系食到不平凡嘅感觉，会带出更多香味。我谂呢个就系店家用心以新鲜马蹄即鈚即做嘅成果，值得一赞。　虽然每次都排咗好耐，但都非常值得，会食到儿时味道，呢份人情味唔系现今加工食品调味可以比得上，冇防腐剂味精色素油盐，少糖健康嘅美食，只此一家。　会继续帮衬，有朋友都想我帮佢哋顺手买来一试，我下次会每款都买些给佢哋，味道系要自己感受出来，唔系听人讲就算。