譽粵菜 (已結業)

母亲大人农历生日，父亲大人命令要食餐好，老人家又要讲意头，所以去酒楼食就最合两老心意，父亲大人一早订咗枱，再早D去坐攞位，劲好彩坐一号枱，六个人有一张大枱，可以坐得舒舒服服。佢哋有套餐，但菜式同去饮差唔多咁，食到好闷，所以冇叫半席，散叫就算！可以食到自己钟意嘅𩠌，有例牌烧腩仔、半斤蒸虾、上汤龙虾伊面、半只吊烧鸡、糖醋小排骨、花胶什菜煲，蒸鱼、莲藕炒甜豆，六个人食八个𩠌真系好饱！ 仲有红豆沙或绿豆沙送！记住睇睇细餐牌有时会做promotion，叫指定菜式，可以加钱㨂其他菜式，呢个系最抵嘅叫法！