屋子生活 (已結業)

由大围一路踏车去到乌溪沙，踏到肚饿，苦恼美食沙漠马鞍山有乜好食之际，见到迎海荟有间拥有落地大玻璃，环境以木系为主嘅cafe！真系久旱逢甘雨！呢间文青系café，楼底非常高，墙上有D七彩壁画，好彩既话重有机会坐到坐地榻榻米座位，如果想「食环境」，呢间cafe会系好唔错既选择。黑糖珍珠牛乳 $45 🤩🤩🤩🤩🤩呢次选择热饮，一放上枱就闻到好香浓浓乳香，饮落质感幼滑，另加烟烟韧韧嘅黑糖珍珠，口感一流。和风蛋汉堡定食 $78 🤩🤩🤩🤩半熟蛋放系和风汉堡上面，蛋既火喉控制得几好，唔会太熟，等我可以将蛋黄捞埋饭。 另外，和风汉堡配埋再特制，有少少甜既酱汁，几特别既口感。不过对我呢D食肉兽黎讲，最正就系呢块汉堡都几厚。听讲系呢间cafe Top 3 热门既定食。红酒味哙牛肋定食 $85 🤩🤩🤩🤩🤩味道都几浓郁，牛肋条入哂红酒味，用黎𩠌饭真系一流。当然，主角牛肋条入味得黎又易咬，唔会变咗擦子胶咁太韧，都算物有所值。