泰中意 (已搬遷) 新店位置

呢间位于马鞍山既泰国菜之前食过一次今次lunch再黎食味道同样有惊喜😀lunch都有好多选择，除左泰菜仲有fusion菜☺️香蒜辣椒榄油鲜虾芦笋意粉$80意粉煮得刚刚好😀鲜虾大大粒够弹牙，芦笋爽口惹味，特别钟意佢个香蒜辣椒榄油，蒜味香浓辣辣地好惹味。盐烧鱼配白饭或杂菜沙律 $168另一个见隔离枱叫所以试下，盐烧鱼大大条外皮焦香，鱼肉嫩滑带咸香，配上白饭一流，想冇咁heavy可以拣配杂菜沙律🥗感觉会fresh啲。饮品可配特饮，今次拣左Honey Lime Soda 蜜糖青柠梳打 正价$35，跟餐$16 甜甜酸酸好开胃，有助解腻。另外一杯就拣左冻柠茶$3，正。系呢啲咁好天气既环境食正野，满足。