大自然素食 (已搬遷) 新店位置

阿姨嚟探我哋，因为佢系食素嘅，所以今晚请佢去大自然素食开餐。前一日佢同朋友食过另一间大自然分店，因为材料吾靓，所以阿姨本来都麻麻地食呢间，不过马鞍山呢间嘅质素我地食过几次都吾错，最终都系说服左佢坐低啦。今晚叫咗个五个𩠌，无失望 : 水蜜桃黑松露焗饭 --- 呢个好好味，平日我老婆减肥唔食饭，今晚都食咗三碗。黑松露好香，配埋芝士简直无敌，水蜜桃酸酸甜甜，更加开胃。(如果啲水蜜桃可以去埋皮就更好啦)法式牛油果焗多士 --- 好欣赏佢嘅cheese。喺素食馆都可以食到拉丝嘅芝士多士，都真系唔讲得笑。冻豆腐 --- 味道正常，肉松&酱油既味道同豆腐好夹。叉烧皇 --- 煮得唔错，个叉烧都几叉烧，有菜心垫底，好睇又好味。黑椒金钱扒 --- 嗱嗱嗱，叫呢碟菜就完全可以明白乜嘢叫做图片只供参考啦。。。 图片入面块金钱扒手掌咁大，但系实际上呢， 系一堆比五蚊大 DD 嘅猴头菇。。。 不过，味道系ok嘅。