大手燒 (已結業)

上星期六去马鞍人踩单车，无意中发现有间舖有只巨蟹，好奇之下买左一块有只压扁左软壳蟹系上面嘅饼，而目测之下，块饼同只蟹好似得1MM薄。其实，呢种饼我系日本食过，不过，只系食过𫠒鱼，果时，𫠒鱼有D韧，今次食就有惊喜，蟹味好出，而且，蟹羔味几香，块饼大过块面，我地一家人食都几得意。见个饼几好味咪试埋个蟹钳，结果，我ENCORE买多几件，估唔到小食店可以整到酒楼级的百花蟹钳。佢地新开张，仲送左张POSTCARD畀我个女，佢梗系开心，因为以前我地去马鞍山都会去心型石，宜家已经消失左，呢张POSTCARD代表住我地一家小小回忆。我地有单车，所以都系泊系舖出面，果度空间好足，企系外面，我同个女会一路食一路估佢个师传做梗咩海鲜，有时系蚝味，有时系虾味，有时系墨鱼味，有时，又有咖哩味、芝士味、葱味，真系隔住口罩都闻到。