釜山炸雞批薩

营业中

休息中

估唔到马鞍山都有一间咁地道嘅韩国菜，侍应有韩国人，感觉更加地道。平日去夜晚都满座，小店真系唔嘢少。餐牌有炸鸡🍗、pizza🍕 各式韩国食品都有，选择都有好多，我哋叫咗几样嘢，当然唔少得炸鸡。仲叫咗牛仔骨、水冷面。▶️五味炸鸡$239呢个炸鸡有五款味道一次过可以试多款口味有双重芝士味、甜辣味、原味、蜜糖芥末味、洋葱蛋黄味。用一个盒装住又靓又整齐。新鲜炸起冇得输，只只味都好食😋双重芝士味，芝士味非常浓郁，面上充满芝士粉。甜辣味唔会太辣，甜甜地啱晒香港人嘅口味。原味炸鸡食得出即炸酥脆，鸡肉嫩滑。蜜糖芥末味甜甜地我钟意食。洋葱蛋黄味估唔到洋葱味咁香。▶️铁板牛仔骨$158加配泡菜$38铁板牛仔骨够晒热辣辣，而且牛仔骨肉质够腍，牛仔骨味道甜甜地分量又够多，真系好抵食！另外加咗泡菜更加开胃。▶️韩式水冷面$78韩式水冷面面质烟烟韧韧，冻冻地夏天食好爽，而且仲有蛋等等配菜。▶️饮品，叫咗提子汁🍇 、桃汁 $15@小店座位唔算多，所以较容易坐满。早啲去就唔使等位，晏少少就要等一阵喇。马鞍山区值得一试。