釜山炸雞批薩

营业中

休息中

📍马鞍山呢间韩国小店由韩国阿珠妈主理，座位得十几个，但系环境干净企理，坐得都好舒服。入去叫咗份招牌炸鸡，叫咗原味mix甜辣酱味($219)，我哋叫咗有骨，炸鸡好脆口入味，摆咗差唔多成个钟个外皮都仲系好脆，惊油腻嘅仲有酸白萝卜配嚟食。佢呢度除咗炸鸡同埋Pizza，仲有铁板系列，朋友叫烟熏五花腩同烤牛肩肉($158)，牛肉嘅肉味都好浓不过烟熏五花腩会比较好食，真系好香烟熏味，另有辣酱同埋生菜包住嚟食。水冷面($78)用咗荞麦面口感都几烟韧，如果食炸鸡嘅话会建议点呢个面好过炸酱面，入口酸酸甜甜，配埋几片腌萝卜同青瓜几开胃。