甜匠

营业中

休息中

出街食完饭行左阵口痕想食糖水，知道附近有间新出开心果甜品就去试吓。堂食要等又唔知要等几耐，决定买外卖返屋企舒舒服服咁食。今次买左宇治抹青川同开心果心太软。青川个个好足料，劲多红豆，抹茶味够重，唔系假既茶味，绿茶蒟蒻好烟韧又有抹茶香味，加埋其他配料一齐食口感好丰富，又唔太甜（甜品既高级赞赏），钟意食绿茶野既朋友可以试吓。开心果心太软比到惊喜我，一切开好流心又够暖，连埋个外皮一齐食，完全系满口开心果味，加埋旁边既烧棉花糖同糖霜一齐食个开心果味又出d。唔知系咪外卖或者原本跟个款雪糕卖晒，个士多啤梨雪糕争小小但唔影响成个心太软，值得试试。