莆田 (已結業)

妈妈之前经过见到莆田门口推广黄花鱼焖饭嘅广告就比佢深深咁吸引左，今日见到无乜人就去左食喇。由于时间尚早，大概6点钟，所以唔洗等位就入得。必嗌嘅就一定系呢个一早睇中左嘅黄花鱼焖饭！无论卖相同味道都相当唔错，每一粒饭都沾上左黄花鱼汤汁，饭嘅软硬度拿捏得相当好。黄花鱼就比较少，不过无乜骨，都几好饭。然后呢个煎蚝饼都不错，感觉似系即叫即煎，热辣辣的。蚝嘅份量都唔少，唔会食落觉得成口粉。另外佢配左一个好特别嘅泰式酱汁，沾左汁食又另有一番风味，好似食紧泰菜咁。叫左两个包黎试，好似炸馒头咁，不过佢配左啲肉丝炒洋葱用黎夹系包入面食，食落一啲都唔腻，好香脆好惹味。呢个肠都几特别，有好多好多层，然后仲有个蜡烛仔热住佢，都几好食嘅。最后系爸爸一早睇中嘅芋芯，本身唔食芋头嘅我都觉得好好食！佢外脆内松，外面似系煎脆左嘅焦糖，入面系好粉嘅芋头，系十分好食！整体而言，莆田嘅食物都几好食，虽然价钱会贵少少，不过都值得再去食！