影片
更多
2021-12-29
863 浏览
马鞍山俾人讲咁多年美食沙漠，近来终于见到多啲高质嘅餐厅！而家估唔到马鞍山连高质寿司都有，终于唔使下下要出尖沙咀啦。有次搭车经过马鞍山广场一带，见到佢地铺𠮶度开咗一间好似好高质嘅日本嘢，于是趁happy Friday就去𠮶度试吓～呢个舖位好大，见到佢一半系寿司店另一半似乎系串烧店，不过佢哋嘅Menu似乎系相同嘅，所以入到去见到Menu上面都咩都有得食咁，有寿司刺身、寿喜烧、各种串烧、烧肉都有。环境方面，呢度装修到好有诚意，感觉上都系高级嘅日本菜装修。虽然佢嘅寿司好高质，但系佢个价位都OK，感觉比喺尖沙咀食平！10件左右嘅寿司都系$200到$300左右嘅价位，唔使去到$600食得高质寿司梗系唔少得食拖罗啦！我哋叫咗一个拖罗寿司set，另外再叫一个有松叶蟹又有大中拖嘅寿司set，另外竟然有拖罗面颊寿司，其实仲有脑天，呢啲部位平时好难食到！所以我哋一于叫一件试下，呢度加埋只需$650左右。上菜后忍唔住系咁影相，真系好吸引！摆盘亦都好靓，呢个拖罗set见到都口水流晒出嚟。佢嘅吞拿鱼系本鲔，记忆中系众多吞拿鱼品种中最贵、体形最大既一种，因为身上既颜色，所以又名蓝鳍鲔。本鲔5食set黎讲，呢个真系好
有次搭车经过马鞍山广场一带，见到佢地铺𠮶度开咗一间好似好高质嘅日本嘢，于是趁happy Friday就去𠮶度试吓～
呢个舖位好大，见到佢一半系寿司店另一半似乎系串烧店，不过佢哋嘅Menu似乎系相同嘅，所以入到去见到Menu上面都咩都有得食咁，有寿司刺身、寿喜烧、各种串烧、烧肉都有。
环境方面，呢度装修到好有诚意，感觉上都系高级嘅日本菜装修。
虽然佢嘅寿司好高质，但系佢个价位都OK，感觉比喺尖沙咀食平！10件左右嘅寿司都系$200到$300左右嘅价位，唔使去到$600
食得高质寿司梗系唔少得食拖罗啦！我哋叫咗一个拖罗寿司set，另外再叫一个有松叶蟹又有大中拖嘅寿司set，另外竟然有拖罗面颊寿司，其实仲有脑天，呢啲部位平时好难食到！所以我哋一于叫一件试下，呢度加埋只需$650左右。
上菜后忍唔住系咁影相，真系好吸引！摆盘亦都好靓，呢个拖罗set见到都口水流晒出嚟。
佢嘅吞拿鱼系本鲔，记忆中系众多吞拿鱼品种中最贵、体形最大既一种，因为身上既颜色，所以又名蓝鳍鲔。
本鲔5食set黎讲，呢个真系好抵，有齐大中拖、赤身，吞拿鱼茸，仲有炙烧拖罗，只需188。
吞拿鱼茸非常好味，加上少少豉油，夹上葱花嘅香味，成件事非常夹，我真系好钟意食吞拿鱼茸。炙烧吞拿鱼烧完之后肉味有少少火炙嘅香味，几特别，不过吞拿鱼我都系钟意食生嘅！因为加热左之后脂肪口感就无咁明显。赤身方面，平价嘅赤身一般都系比较爽口，我钟意呢一款赤身佢唔会有平时个钟太过爽或者腥嘅味道，感觉上佢都有啲油脂喺度，口感软腍地，好味！
至于中拖罗同大拖罗，好味就一定啦！中拖罗既有赤身嘅微微酸味，又有吞拿鱼自己脂肪嘅油脂香味，两样撞埋一齐真系非常正！入口系满满嘅幸福感，非常新鲜。
大拖罗更加系更加升华，入口脂肪即溶，成个口充满着吞拿鱼脂肪嘅鲜甜味，超级正，食完唔舍得饮茶！
面颊呢个矜贵部位唔容易系一般日本料理餐厅见到，呢度遇到佢真系令到我对呢间店嘅印象分大大增加！面颊肉通常就弹性较高、肉质爽口，但一般因带有筋位，呢度嘅师傅就好聪明咁样用火枪轻炙佢，食落就更好口感。呢个寿司我都好钟意，但系唯一可惜嘅系紫菜太大块，亦都因为佢嘅紫菜味好出面积大，有少少抢咗拖罗面颊自己嘅味道～
12件寿司拼盘亦都非常有诚意！松叶蟹肉份量好足，上面嘅蟹膏非常香，自从冇得去日本之后都好少机会食到松叶蟹膏，可以喺度食饭真系太好啦！
呢个set仲有大拖罗中拖罗，其他嘅鱼都系高质素嘅鱼，海胆寿司𠮶只海胆更加系毫不吝啬地大，味道非常鲜甜，完全唔腥！338黎讲性价比好高，食呢个set既朋友讲呢个set既寿司都系全部好好味，好高质！
非常满足嘅一餐日式小店，一定会再帮衬！
张贴
