Six Tea (已結業)

马鞍山甜品选择一向都好少，近来搭车经过新港城见到原来地舖鸡煲隔离开左间新野，系小食+茶饮+雪糕店，好似几正，同朋友去左食～Menu都几多选择，全部有图，好吸引。我地一人叫左一杯野饮同一份雪糕鸡蛋仔。好靓呀！雪糕鸡蛋仔真系好高质！我个人唔钟意太脆既鸡蛋仔，而呢度既鸡蛋仔好正，系好似窝夫既texture，松脆，厚身好好味！！热辣辣既鸡蛋仔配上冰冻既雪糕，系完全既配搭，一暖一冻既口感不得了。店家唔止净系比鸡蛋仔同雪糕你，仲会加入珍珠、果酱，整到好靓！我地一个叫左chocolate brownie，一个叫左cookie n cream，我觉得后者好味啲，因为佢同士多啤利味既果酱只味超夹，好好味！赞不绝口～朱古力布朗尼只雪糕自己系好好味，不过同士多啤利味果酱唔算好夹，如果店家可以用其他酱做配衬应该会更好～不过成个鸡蛋仔雪糕都真系食得好享受！食到最尾啲雪糕会索咗入啲鸡蛋仔度，个口感好正不过如果纯粹当甜品或者下午茶嘅话其实两个人share一个都OK，因为我哋每人一个食完之后已经食唔到晚饭哈哈哈。嘢饮方面，我叫左焙茶芝士奶盖，呢度嘅芝士赖该系偏咸嘅口味，芝士味比较重，焙茶味好香，好大杯好kum饮～