點煲 (新港城中心(4期)) (已結業)

马鞍山听人讲无乜野食，但试咗呢个煲仔饭之后都几唔错呀。中秋节补假午餐时间，食个煲仔饭都有秋日气氛㖞！腊肠滑鸡煲仔饭 5/5我本身好少食煲仔饭，唔知点评论好定坏，但我个人就几钟意呢个饭，有饭有野饮，我就嗌壶普洱茶慢慢品尝，煲仔饭出炉果然有气势，热辣辣咁上枱，淋上豉油令到个热煲烧到炸炸声。第一啖系好香既腊肠味，滑鸡又滑又香甜，配上豉油既提鲜，腊肠肥美唔干瘦，肉汁鲜甜，加上特制猪油，饭焦香脆可口唔会太㶶，食一啖饭，饮一啖茶，已经心满意足。咸鱼肉饼煲仔饭 4/5我女人叫咗呢个，都系热辣辣既上菜，肉饼鲜甜够香口，咸鱼肉味香浓，配上菊花杞子茶清热解毒。地点:新港城商场入面，唔难揾，食饱可以参观马鞍山，环境:中式装修，慢活叹茶。但同隔离枱好近，讲嘢唔方便。价钱:人头90蚊，有煲仔饭，有茶，一个点心，美味可口，咁啱有8折，值得再去。煲仔饭差条菜，加条菜就更好。服务:自助落单，上菜识得男士个边上，以免影响女士。地点宽落，揾侍应都好快。