影片
更多
2019-03-01
713 浏览
人住马鞍山，星期六同老妈子行完商场，梗系要医下肚，所谓美食沙漠既马鞍山，要揾劣食唔难，揾美食就比较难！好彩仲有渝痴渔醉，因为最近想返大6 又无咩时间，唯有过嚟食下辣野！食开都知佢哋系'伤心' 集团系列，除左酸辣粉出色外，辣野都有保证，而家渝痴渔醉仲有好多其他食物选择，有辣有唔辣，相信点都有野啱食！第一次嚟就梗系要留意下招牌菜，佢哋个招牌杂锦香锅，仲有素食选择，唔想食肉既朋友又多一个选择，我今日都order左呢个素菜杂锦香锅！讲返餐厅个环境，麻辣味满布餐厅，另外主要系地方大，人多人少嚟都有合适既位置供应！待应话晚上位置仍然供不应求，等我揾次夜晚嚟视察一下先！餐厅送菜既效率都几快，我order左既食物都好快送到！先嚟到既系柑桔话梅雪碧！呢杯用料十足既柑桔话梅雪碧杯底随便都可以揾到好多柑桔同话梅肉，大大粒话梅核好易揾到！酸酸甜甜几开胃，用嚟解辣都唔错！再嚟辣味香浓小辣既夫妻肺片，食得辣建议食中辣更过引，牛肚爽口，牛几有咬口，辣得嚟都几香，份量都ok! 跟住出场既系每次返大陆都必点既炝炒土豆丝(中辣) 先要赞下厨房既刀功唔错，切得好幼细，而且锅气十足，出嚟既土豆丝除左辣味够，而且仲非常爽口
食开都知佢哋系'伤心' 集团系列，除左酸辣粉出色外，辣野都有保证，而家渝痴渔醉仲有好多其他食物选择，有辣有唔辣，相信点都有野啱食！
第一次嚟就梗系要留意下招牌菜，佢哋个招牌杂锦香锅，仲有素食选择，唔想食肉既朋友又多一个选择，我今日都order左呢个素菜杂锦香锅！
讲返餐厅个环境，麻辣味满布餐厅，另外主要系地方大，人多人少嚟都有合适既位置供应！待应话晚上位置仍然供不应求，等我揾次夜晚嚟视察一下先！
餐厅送菜既效率都几快，我order左既食物都好快送到！先嚟到既系柑桔话梅雪碧！
呢杯用料十足既柑桔话梅雪碧杯底随便都可以揾到好多柑桔同话梅肉，大大粒话梅核好易揾到！酸酸甜甜几开胃，用嚟解辣都唔错！
再嚟辣味香浓小辣既夫妻肺片，食得辣建议食中辣更过引，牛肚爽口，牛几有咬口，辣得嚟都几香，份量都ok!
跟住出场既系每次返大陆都必点既炝炒土豆丝(中辣) 先要赞下厨房既刀功唔错，切得好幼细，而且锅气十足，出嚟既土豆丝除左辣味够，而且仲非常爽口，感觉上同喺大陆食差唔多！
最后出场既系招牌素菜杂锦香锅，份量颇大，单系食呢个香锅唔驶食白饭都够两人用，内有多种素菜，包括莲藕片，芽菜，西兰花等满满铺满整个碗！
劲多花椒同大大片既干辣椒片，越食越麻，越食越辣，非常过引！
趁老妈子未到，影低呢餐既盛况！
今餐绝对些到我对返大陆食麻辣野既瘾，下次食麻辣野又唔够时间返去，马鞍山又多一个选择！
张贴
