駟馬拖車潮州飯店 (MOSTown新港城中心(4期)) (已結業)

妈咪钟意食潮州打冷，呢间餐厅之前同朋友食过一次好正，于是带妈咪嚟食吓😬餐厅位于马鞍山新港城，交通好方便，餐厅地方宽敞，坐得好舒服，餐厅除咗单点之外，仲有好多套餐优惠都几抵食👍🏻我地都几肚饿，所以都点咗好多菜式😊前菜系咸酸菜花生：咸酸菜唔会太咸，酸酸甜甜几开胃，加埋又香又脆嘅花生几好味潮洲式冻马友:马友鱼够晒鲜甜滑溜，而且唔会太咸，点啲黄豆酱仲带起啲鲜味👍🏻潮州式蚝仔粥：蚝仔鲜甜肥美，蚝既鲜甜味融入晒喺粥入面好正😊入面仲有啲脆脆地嘅方鱼碎，少少咸鲜好惹味👍🏻方鱼炒芥兰：芥兰爽脆新鲜，加埋脆脆地既方鱼碎一齐炒，又香又惹味👍🏻香煎蚝仔烙：我得我觉得系全晚最惊喜嘅菜式，第一次食咁好食嘅煎蚝饼，煎蚝饼有咸蛋黄嘅香味，而且里面好多蚝仔，鲜甜肥美，加埋蚝饼外脆内有一啲烟靭，点啲鱼露一齐食仲正，妈咪赞不绝口😀潮式四喜炆鱼鳔：鱼鳔鲜甜爽口弹牙，而且好入味，一啲都唔腥，配料好丰富，有鲜甜爽口嘅鲜虾、鲜甜弹牙嘅鱿鱼、仲有鸡柳，加埋粟米芯同各式菇类，全部配料都好入味👍🏻这间餐厅除了食物质素好好，环境舒适，而且价钱合理，可推介俾钟意食潮州菜嘅朋友☺️