屋子生活 (已結業)

今次系第二次去「屋子生活」，上一次去嘅系大围分店，今次系第一次去马鞍山分店。呢间餐厅嘅环境相当有惊喜😌，近住落地大玻璃既座位系榻榻米既设计，可以一边食嘢一边欣赏出边单车径嘅风景，而且出边嘅日光透入晒成间餐厅，有啲晒日光浴嘅感觉，另外楼底非常之高，成个空间好广阔，感觉好舒服。 我地order左一个玄米茶戚风蛋糕🍰（配季节水果），同埋桂花乌龙奶盖茶🍵。戚风蛋糕有微微嘅茶香，配上嘅cream口感轻盈而且好香，加埋入边嘅提子一齐食，甜度适中，好适合夏天食！另外，冰冻嘅桂花乌龙奶盖茶，冰凉嘅口感🧊同清香既桂花味有一个焕然一新嘅感觉。