三冠皇餐廳 (已結業)

本黎系想去甜甜地食晚饭,或者食鱼蛋粉,但路经此地,出面门口有个侍应同我sell野,几有礼貌,搞到自己唔好意思推左人地,就入左去...出面个侍应同我sell的系拉面,话拉面做紧特价,二十多元又唔使加一...自己则求其点个猪软骨拉面...讲讲环境,天花两盏水晶吊灯,有跑马的大画像,成层几两层楼高...而menu,有些食物菜式也有用与跑马有关的词语命名...猪软骨拉面碗大拉面少...猪软骨颇入味,肉质腍身,但骨则不软,而系硬的...拉面比平时食开的幼身,食落唔系咁似拉面,但算系有d咬口...入面仲有d椰菜,红萝卜,椰菜花,个汤系咩汤,自己就唔知了,不过应该冇落味精...味道上可以的,不过唔系日式煮法,感觉上有点儿不伦不类...服务方面,门外的侍应几好礼貌,但可能因自己叫得少野食,入面的侍应似乎有d不满...下次黎食的话,都系食意粉好了...假如系跑马时间,呢度会否热闹非常呢?