永順食店 (已結業)

香港美食当然唔少得茶餐厅，无论早餐定夜晚都座无虚席，今日有野出开元朗，去试下出名既沙嗲牛肉面。《沙嗲牛肉蟹王面》沙嗲味够香浓浓郁，牛肉都系我杯茶，因为我自己比较钟意食薄身d既，另外蟹黄面比公仔面更能挂汤，口味亦更弹牙。朋友推荐通粉都好正，淡淡汤。《加配炸猪扒/炸鸡翼》$12加左一份炸猪扒同炸鸡翼，热辣辣即叫即炸都唔错不过不失，略嫌炸猪扒个炸酱做得一般同埋鸡翼得两只唔够喉。《西多士》茶餐厅另一瑰宝就系西多士，邪恶之首，炸得香脆加上劲肥腻牛油同糖桨，推介。《奶茶》食物质素唔错不过奶茶令人失望，一上枱就睇得出奶嘅比例不足，茶味亦较苦涩。