瑞樵閣

营业中

休息中

本身好少食瑞士菜，机缘巧合下黎到呢间位于半岛酒店、十分驰名嘅瑞樵阁。一踏入门口已经感受到中欧国家嘅特色，餐厅内采用木头作为主要室内装饰，满满嘅温暖感。点餐前好温馨咁送上餐前面包，另外牛油好有讲究，面包摆盘亦都好grand，未食主菜前已感受到细节。前菜点咗蟹肉pancake同沙津。蟹肉pancake卖相冇咩特别，不过食落认真有惊喜，皮薄馅靓。pancake里面超多蟹肉，而且肉质结实。钟意食蟹嘅朋友绝对大推！主菜叫当然唔少得羊架同芝士火锅。羊架鲜得黎保留少少原有嘅膻味，外层煎得好脆，配上适当嘅脂肪简直系绝配。个人唔太钟意食芝士，所以对芝士火锅冇太大期望。一入口芝士味唔算太浓烈，配面包食还算可接受范围内。唯一特别嘅系芝士应该加入咗少少红酒，口味都几独特。不过芝士味会愈食愈浓，去到最后我已经摆唔到入口。