蘭芳園

营业中

休息中

今日同朋友去开中环，忽然好想饮奶茶，就决定去兰芳园。系餐厅出面排左一阵队，好快就有得入去。餐厅既服务态度真系一般，我地举左好耐手叫侍应哥哥黎写野都无人理我地，一系就望下我地然后就走左去，再唔系就系好恶咁叫我地「等阵啦！」然后又无左回事，可能真系太忙做到燥燥地？最后我地坐系到等左差唔多10分钟先有人黎写野。我地叫左佢最出名既葱油鸡扒捞丁同冻丝袜奶茶，上茶速度都算快。对佢既葱油鸡扒捞丁真系好失望阿。虽然佢厨房摆满左一箱箱出前一丁，但个面底又干又硬，好似啲普通公仔面咁难食，我同朋友都怀疑过个面到底系唔系出前一丁黎。葱油份量真系好少，根本唔够用黎捞面，好失望。而豉油就好多，令到成个面变左好咸，根本就系食紧鸡扒豉油捞丁拌葱油。反而值得一赞既系鸡扒煎得唔错，鸡皮够脆，入面既鸡肉都算嫩滑，有肉汁唔干，而且鸡扒好入味。佢既驰名冻丝袜奶茶真系唔错，入口顺滑，茶味好浓，又唔算好涩。餐厅既食物真系偏贵，而且服务态度一般，见到个侍应哥哥忽然大声喝几个游客，叫佢地坐返好啲同放返入啲个袋，有啲得人惊，如果可以改善下就好啦。