屏山老地方 (已搬遷) 新店位置

喺元朗租单车踩入屏山，兜兜转转揾到驰名食肉饼饭嘅地方，仲可以俾狗仔坐出面，太好啦！今日人唔算好多，阿姐叫我哋落定单就差唔多，因为所有肉饼饭即叫即煎，系需要啲时间。我成日谂⋯肉饼饭其实可以有几好食呢？ 咁多人都介绍佢，肉饼其实好难整得难食，佢有咩咁令人惊喜嘅地方呢？得哋三个人叫咗3款唔同嘅肉饼。1. 京葱姜牛肉肉饼饭 2. 莲藕章鱼肉饼饭3.蒜香辣椒鸡粒肉饼饭三个肉饼份量足，饭个份量都好多，肉饼好厚，外面煎得好香入面又锁住啲肉汁，味道配搭突出，难怪咁多人嚟食，枱面有豉油辣椒油俾你加，佢个辣椒油好香又辣辣地，捞饭一流。我哋三个女仔以为会食唔哂，真系好大份，但因为太好味，所以碟碟清！ 饮咗龙凤可学同大话七， 两杯饮品分别系咸柠可乐同话梅七喜，饮品都份量充足而且一啲都唔hea. 俾杯有咸柠底嘅冰你，再俾罐汽水，呢餐好满足！