影片
更多
2023-03-24
40 浏览
茶木系香港有多间分店，实力有一定保证～今次嚟到屯门分店，依然有惊喜～1️⃣罗氏大头虾意大利面⭐️⭐️⭐️⭐️大头虾超级好食!虾头好多膏，好甘香鲜甜；大虾虾啖啖肉又弹牙又实肉😋配合秘制酱汁同埋渌得好有口感嘅意大利面，有两百几蚊一碗嘅西餐厅质素～最抵系可以再追加小食，好似一个set咁再叫珍珠奶茶粟米溏心蛋，好丰富好饱肚！2️⃣溏心蛋&麻辣猪耳⭐️⭐️⭐️⭐️溏心蛋熟度刚刚好，保持到蛋白嘅嫩滑，内里嘅蛋黄金黄通透，食到停唔到口，前后忍唔住叫咗两只！麻辣猪耳唔会太辣，恰到好处，惹味得嚟猪耳好烟韧有嚼劲～3️⃣珍珠奶茶&铁观音雪糕⭐️⭐️⭐️最后就系茶木最主打嘅台式珍珠奶茶～所有茶类制品都好香茶味，烘焙技巧一流，制作出嚟嘅铁观音雪糕亦都好香浓，感觉好特别，好少食呢一种自家制嘅雪糕。唔系净系好似坊间一般嘅雪糕一味得个甜字，而系有层次，既有茶香，甘中带甜，又有少少涩嘅后劲。总括而言，如果大家喜欢台湾菜，或者钟意茶/珍珠奶茶，一定要试吓茶木！
1️⃣罗氏大头虾意大利面⭐️⭐️⭐️⭐️
大头虾超级好食!虾头好多膏，好甘香鲜甜；大虾虾啖啖肉又弹牙又实肉😋配合秘制酱汁同埋渌得好有口感嘅意大利面，有两百几蚊一碗嘅西餐厅质素～最抵系可以再追加小食，好似一个set咁再叫珍珠奶茶粟米溏心蛋，好丰富好饱肚！
2️⃣溏心蛋&麻辣猪耳⭐️⭐️⭐️⭐️
溏心蛋熟度刚刚好，保持到蛋白嘅嫩滑，内里嘅蛋黄金黄通透，食到停唔到口，前后忍唔住叫咗两只！麻辣猪耳唔会太辣，恰到好处，惹味得嚟猪耳好烟韧有嚼劲～
3️⃣珍珠奶茶&铁观音雪糕⭐️⭐️⭐️
最后就系茶木最主打嘅台式珍珠奶茶～所有茶类制品都好香茶味，烘焙技巧一流，制作出嚟嘅铁观音雪糕亦都好香浓，感觉好特别，好少食呢一种自家制嘅雪糕。唔系净系好似坊间一般嘅雪糕一味得个甜字，而系有层次，既有茶香，甘中带甜，又有少少涩嘅后劲。
总括而言，如果大家喜欢台湾菜，或者钟意茶/珍珠奶茶，一定要试吓茶木！
张贴
