麻辣香鍋

营业中

休息中

天气闷热，想食辣嘢开开胃口～喺旺角朗豪坊斜对面依间四川小店，水准唔错嘅麻辣、水煮鱼、酸菜鱼等地方名菜。金汤酸菜鱼叫得做金汤，汤底带有一种鱼汤鲜味。鱼片嫩滑仅仅熟。金汤放满四川辣椒🌶️，加上各种配料有红薯粉，莴笋和菇类，味道丰富，麻味直冲辣味也不会太激烈，酸度都系啱啱好。系唔特别要求之下default 咗辣度系可以接受😋👍🏻鲜椒田鸡爆过油的田鸡特别酥香惹味，略嫌细粒不过好入味。超级有镬气，完全把鲜椒的辣炒出，所以田鸡都沾有鲜椒嘅香辣。京葱羊肉有热辣辣即蒸的嬷嬷皮。京葱香甜，配京式羊肉，特别有风味！酸梅汤自家出品，酸酸甜甜好解腻。蕃茄炒花菜同样好有镬气而且够健康，酸酸甜甜竟然可以解辣！见其他顾客也点干锅，卖相好似唔错，下次一定要来试。