百味川 (已結業)

放假过黎葵广扫街未够喉，人山人海，最后去咗食个酸菜鱼淮山面同蕃茄鱼淮山面医医肚，汤底浓面够滑够爽，鱼劲多。后尾先知原来喺葵广都几出名，唔怪得咁多人，$60一碗面，但系唔包嘢饮，冻柠茶加几蚊，热菜蜜唔使加钱，质素都不过不失价钱亦算OK。平平哋仲有好多小食拣，例如蒜香皮蛋，少少蒜香辣辣地但不失皮蛋味；醋香云耳醋香味刚好，云耳够爽口。呢度适合快食医肚，落order唔够3分钟就有个热辣辣嘅面食，快平靓正！