Holly Brown Coffee Roasters (已結業)

年三十晚同男朋友屋企都无饭食，所以行年宵市集之前喺附近揾咗间餐厅。当晚人流唔算多，但系有驻唱歌手吸引咗我入去。我哋点咗一个大虾带子牛扒set加一个意粉，set有包饮品同甜品。牛扒正常质感，大虾都算爽唔系雪藏味。带子意粉都系正正常常，忌廉汁味道唔会太浓。当晚dinner set嘅甜品系柚子Cheesecake，味道OK但就好似喺冰格拎出嚟咁硬掘掘。另外唔知当晚侍应应该系新嚟，落单时问咗牛扒系几多安士，佢窒一窒咗之后再去问，不过态度都算良好。全晚最欣赏嘅系驻唱嘅两位歌手，唱得好好听！