Isola Bar & Grill (已搬遷) 新店位置

呢排应该行紧食运，今日又有老细请食semi－buffet lunch啦！因为午饭时间有限，所以失礼D都要，谂住攞一转算数，所以一去buffet bar就攞晒想食嘅嘢，其实佢嘅沙律冷盘都几多选择，我都系选择性咁攞，个碟已经迫过笼屋，返埋位时驼鸟精神，我唔望人，人哋都望唔到我碟自助山嘅！讲番我有食嘅头盘先，mozzarella cheese软绵够水润，味道清淡，配搭番茄酸甜味非常好。大虾肉质爽口扎实，虾身壳已剥，方便食客。哈蜜瓜就撞手神，同事话唔系件件都甜，不过都非常新鲜。沙律菜都好新鲜，沙律类有藜麦，青瓜，通粉，红菜头，灯龙椒各样各样。。。主菜我拣咗lamb short ribs，卖相不大讨好，羊味颇浓郁，肉质都好腍好嫩，不过就比较多羊肥膏，所以感觉好漏吓。伴碟嘅茄子卷系搽咗新鲜蕃茄蓉再煮，味道一般，而且比较油腻，垫底菠菜有D鞋口而且煮得太过烂溶。同事话佢嘅猪脸肉虽然好腍，但系都非常漏，卖相同味道都系一般。甜品只能选择最吸引我嘅朱古力蛋糕，因为一个人食晒一件已经邪恶到极！好彩我都无拣错，面层朱古力浆好浓厚，蛋糕够湿润，如果能配多一球雪糕食就更完美啦！咖啡香味唔算浓，味道偏苦，水准一般。整