CHiLL-i (已結業)

观塘嘅骆驼漆三期出咗名好多好嘢食，今次拣咗一间fusion 菜试下。🤩佢啲菜式好有创意，冇谂过有咁样嘅配搭，但系味道又好夹！😝清蒸烟三文鱼慕丝龙利卷甜柑忌廉汁 $78 🐟呢个系用龙利柳包住烟三文鱼嚟蒸。鱼唔会蒸得过熟，好滑。🤩个汁酸酸地，好开胃，好fresh😌上面加埋炸过嘅虫草花，口感增加层次。同埋炸过嘅虫草花烘焙味同鱼好夹。👍🏻啱晒啲唔想食咁Heavy嘅人。蒜姜酱油 焰烧鲜三文鱼寿司饭 $98🧄呢个有啲似蛋包饭嘅概念，将三文鱼包住寿司饭。🍣炙烧过嘅三文鱼鱼油味好香，加埋特制酱油，味道好似烧汁。好有日本风味。🇯🇵玫瑰鲜奶咖啡🌹嚟到就已经闻到玫瑰嘅香味，咖啡面仲摆咗玫瑰花瓣。咖啡都好香，奶味浓郁。星辰大海 🌌你到嘅时候饮品颜色分咗两层上边系紫蓝色下便系黄色。黄色系荔枝味，蓝紫色系蝶豆花加七喜。好靓，好啱打卡。