金記冰室 (已結業)

拍拖都唔一定要食到好贵既，想要平又有惊喜，呢间冰室实帮到你……今次点既野食，系出面真系揾唔到。唔好谂住佢系一个包，因为佢more than 一个包。其实初初有d淆，因为我唔太食辣，但呢度系出名呢个包嘛！不过食落口，只咖哩充满住浓浓芝士味，辣既程度大幅下降。牛腩煮到岩岩好又够冧。个包盖卜卜脆，点住咖哩食，简直perfect match。当你以为咁就完?咁就错晒啦，原来下面仲有饭系底！！！好饱肚不过美中不足既系，个包底吸左好多汁，所以唔太脆……食左咁耐，紧系叫返杯野饮。女友天生爱挑战，点左杯窝蛋牛肉汁。究竟系杯咩饮品，我真系完全冇概念…真系有只蛋唔系讲笑。个味道真系几难形容，就好似一杯牛肉浓汤咁，咸咸地。饮几啖又真系几过引，不过成杯就………我觉得自认好奇既你地可以一试~叫返个汤黎中和下先……呢间野连罗宋汤都整得好好味。佢唔止系蔬菜汤，仲有好多蕃茄蓉系入面，够足料。