麒天

营业中

休息中

第一次上ICC Sky Dining 101，400米高空饱览维港景色，再慢慢品尝卖相精致嘅中式fine dining，虽然天气不太稳定，时而清晰时而有雾，不过就系咁有种腾云驾雾嘅感觉，好特别！👉🏻前菜 $78有荞头、合桃同腌蒜，好开胃！套餐$1488，包哂前菜、头盘、炖汤、主食、饭菜同甜品！👉🏻法式XO酱蒜茸牛角包外皮酥脆，内馅饱满，XO酱够惹味！👉🏻时令白露笋清酒伴圣子白露笋好爽口，清酒味几重，圣子好鲜甜！👉🏻金沙日本南瓜咸蛋黄好岀色，好入味，南瓜香甜可口！👉🏻松茸螺头炖海参个汤真材实料，清澈清甜，松茸、螺头同海参好足料！👉🏻香酥花胶伴香槟鱼子酱满满嘅胶原，花胶经过炸制变得酥脆，口感香脆，配上香槟鱼子酱好夹！👉🏻麒麟星斑球两大块，一d都唔腥，鱼肉够厚，啖啖肉！👉🏻壹零壹风沙乳鸽几香脆，特别一赞系备有手套、湿纸巾同牙线，好方便可以尽情食！👉🏻云腿上汤浸菜远简单得黎又唔会太清淡，云腿唔会太咸！👉🏻砂窝猪肉渣香葱饭散发猪肉渣嘅肉香，色泽金黄，炒饭粒粒分明！👉🏻松露巧克力铁观音奶冻最期待，真系好好味，松露嘅香气同朱古力嘅醇厚，仲有淡淡茶香，口感柔软顺滑，赞！另外再点左两道菜👉🏻24K黄金焗