土屋 (已結業)

去旺角食完饭谂住食甜品，间间都大排长龙就你一间仲有位，好啦就 try try, 朋友点焗西米布甸，老板娘失业OL就要等十几分钟，我地都ok。。。等咗廿三十分钟都仲未嚟，我地就问老板娘，佢话帮我地睇睇。。。转头就话个system有问题，啲单乱咗。。不用十分钟。。。登登登登。。。。焗布甸上枱。。。哗，斋望都觉得唔对路，个样好似将啲烂饭放上去咁，一pat pat，亦都无焗布甸应该有嘅啡金黄㶶面。。。朋友一试，唔热而且啲custard分明显未开好，仲可以食到D粉。。。。同个老板娘讲啲嘢唔热，佢话“咁奇怪？“，好似仲话帮我地焗返。。。最终我地唔要走咗。。。。第一，老板娘对于焗布甸无焗过嘅啡金黄面一啲都无觉得有问题，我唔知佢系咪未见过或者食过焗西米布甸。。。第二，waitress 又唔觉个甜品唔对路。第三，亦系最关键嘅问题就系厨房入面十几廿岁嘅"甜品师父仔"，你咁嘅嘢都够胆拎出嚟俾客食，我谂你亦应该要有胆面对快将失业嘅可能。。。老板娘，你真系要好好反省吓食物质素、店舖管理同进修甜品，对食品嘅要求明显好底，你无其他店咁好生意真系有原因。。。我知依家好hit半熟，但系都唔系咁搅法啰！