影片
更多
2023-07-10
980 浏览
之前行过见到排晒队咁，好想试，今日终于试到啦，但原来系惊世大伏！啲嘢难食之余，仲违反商品说明，有呃钱之嫌。由外面睇似日式咖啡店，少少怀旧果种。menu 上面啲相当然影得好靓啦，叫左all day breakfast, 帆立贝意粉同两杯latte。Sonia 经典全日早餐 $138除左炒蛋，烟肉系煎嘅，其他应该其他都系烚嘅，例如肠仔。鸭胸就冇煮过嘅痕迹，系冻嘅，就连烚都冇，因为烚左系会涨少少，估计鸭胸只系解冻，切左就比客，连微波炉嘅痕迹都冇。三文鱼睇落色泽唔新鲜。但系最离谱嘅系，我打食评睇返食物相，发现同menu有好大出入。menu上有茄汁豆同牛油果，原来冇，变左烟肉同鸭胸。你转材料唔系应该同客讲声咩？我以前开过意粉小店冇边样材料都会问客ok唔ok，呢啲系责任，冇讲系有违反商品说明嫌疑，仲收$138 加一？！非常过份，呢度会要求餐厅交代，有单有图为证。和风蒜香鲣鱼帆立贝蚬肉意粉$98呢碟都好离谱，意粉超干同硬，唔系al dente 果种，系食到人胃痛果种。意粉底下有水，我本身奇怪点解咁都会干，之后发现佢一啲油都冇，系冇炒过净系烚嘅意粉！！洋葱系未熟，蚬肉同帆立贝都冇炒过果种香，都系烚嘅，
由外面睇似日式咖啡店，少少怀旧果种。menu 上面啲相当然影得好靓啦，叫左all day breakfast, 帆立贝意粉同两杯latte。
Sonia 经典全日早餐 $138
除左炒蛋，烟肉系煎嘅，其他应该其他都系烚嘅，例如肠仔。鸭胸就冇煮过嘅痕迹，系冻嘅，就连烚都冇，因为烚左系会涨少少，估计鸭胸只系解冻，切左就比客，连微波炉嘅痕迹都冇。三文鱼睇落色泽唔新鲜。但系最离谱嘅系，我打食评睇返食物相，发现同menu有好大出入。menu上有茄汁豆同牛油果，原来冇，变左烟肉同鸭胸。你转材料唔系应该同客讲声咩？我以前开过意粉小店冇边样材料都会问客ok唔ok，呢啲系责任，冇讲系有违反商品说明嫌疑，仲收$138 加一？！非常过份，呢度会要求餐厅交代，有单有图为证。
39 浏览
0 赞好
0 留言
和风蒜香鲣鱼帆立贝蚬肉意粉$98
呢碟都好离谱，意粉超干同硬，唔系al dente 果种，系食到人胃痛果种。意粉底下有水，我本身奇怪点解咁都会干，之后发现佢一啲油都冇，系冇炒过净系烚嘅意粉！！洋葱系未熟，蚬肉同帆立贝都冇炒过果种香，都系烚嘅，至于秋葵，系特别配料又点，都系烚嘅。隔离枱果个女人都系叫呢个，食食下叫侍应比黑椒佢，最尾佢都系冇食晒。你收得呢个价钱，比厨房新手质素我？仲要话自己过江龙？
Iced Honey Latte $44
最正常应该系呢杯咖啡。
Mocha $40
都系正常，偏甜。
忌廉焦糖吉士布丁 +$38
又一样嘢离谱嘢来啦！我发现lunch menu可以加$38 各款忌廉布丁，但原来忌廉焦糖吉士布丁本身都系$38，写落lunch menu +38 好似平左咁，误导人地。不如你mark up 左原价再lunch menu加$38会合理啲。至于味道，冇乜蛋味偏啖，我会觉得即食果啲布丁仲好食啲。
食物质素只能用新手来形容，全日早餐擅自转食材唔通知客人，布丁加购价有误导成份，全部加埋只值得一个差评。
张贴
